Shillong, Nailar 23: Kum shi bynta ban kyntiew ïa ka phutbol ka North East Football Development Council (NEFDC) ka lum ïa ka jingïalang kaba kongsan ha ka Lah Sngi U Blei, 26 tarik Nailar, 2024. Kane ka jingïalang ka thmu ban ïakren halor ki mat ba kongsan ha kaba ïadei bad ka lawei jong ka phutbol ha kane ka thaiñ shatei lammihngi.
ïa kane ka jingïalang yn pynlong ha Shillong Club ha ka por 7:30 baje janmiet bad yn ïalam da u Lainghinglova Hmar, President ka NEFDC, u ba dei ruh u Myntri ka tnad ïalehkai ka Sorkar jylla Mizoram.
Kane ka jingïalang kaba kongsan kan pynïasohlang ïa ki dkhot bat kam bapher bapher, naduh ki nongmihkhmat jong ki synjuk phutbol jong kane ka thaiñ, ban ïakren ïa ki kam pynroi ryngkat ka jingthmu ban kyntiew ïa ki prokram kyntiew phutbol.
Napdeng ki mat ba kongsan ki long ka jingbishar bñiah ïa ka prokram pynroi kaba mynta bad ka jingpynroi ïa ka phutbol ha kane ka thaiñ shatei lammihngi.
