Shillong, Naiwieng, 26: Ka Sorkar Jylla ka la ai ïa ka jingmynjur ban tei ïa ka Park University, kaba dei ka skulbah shimet, ha Resubelara, North Garo Hills.
U Myntri Rangbah ka jylla u Conrad K Sangma, u la pynbna ba ka Kynhun Myntri ka la mynjur ïa ka Ordinance na ka bynta ban seng ïa ka skulbah hadien ba la bishar bniah ïa ka jingtyrwa jong ki tnad bapher bapher.
“Ki nongpynmih ki la ïatreilang bad ka tnad, bad ïa ka Bill la phah sha ka private university regulatory board bad ka tnad Aiñ ban bishar bniah,” la ong u Sangma hadien ba la wai ka jingïalang jong ka Kynhun Myntri kaba la long harud ka pung Wards Lake ha ka Sngi Balang.
U la ong ba ka jingai jingmynjur ka long katkum ka Private University Act ba thymmai, kaba pynkhlaiñ ban peitngor bha ïa ka jingdon jong ki skulbah shimet ha ka jylla.
