Nongpoh, Naitung 02: Ka jingbym lah jong ka sorkar ban phai khmat ïa ki jingeh ki nongtrei Sorkar ka la buh jingeh ïa ki nongtrei hapoh ka tnad Forest ba hap ha Umsiang Beat House ha kaba kum ki nongtrei kim banse ban shong ban sah ne treikam ha ka ophis ba la jot watla ki hap ban pyndep ïa ka kamram ba la bynshed da ka Sorkar.
Kumba la lap da u nongthoh Khubor, kawei na ka nuksa ka dei ka jingshah ktah ki nongtrei ka tnad Forest, kiba ap khyrdop ha Umsiang, kaba don ha khappud bad ka jylla ka Assam kaba dang hap ha Mawhati Constituency. Ka long ka jingpangnud ba ki nongtrei ki hap ban sah ha katei ka ophis ne ka jaka sah kaba la jot rathai.
U nongthoh khubor, u la leit ruh ban jurip ïa ka ophis treikam jong ki nongtrei ka tnad Forest bad la lap ïa kane ka ophis treikam ym shym la maramot ne pynbha la bun phew snem mynta bad kum ki nongtrei Sorkar kim banse ban sah ne treikam ha kane ka ophis ba la jot, namar ki hap ban pyndep ïa ka kamram ba la bynshet da ka Sorkar lyngba ka tnad Forest.
Watla kane ka jaka ka dei kaba peit kyrpang na ka bynta ban lum khajna ïa ka Sorkar bad haba peit pat halor ka jinglong jingman ka ophis ka long kaba ipangnud ïa ki nongtrei ba kin shong kin sah khamtam ha ka por slap ka um ka tuid hapoh ka ophis, kaba la pynjynjar ïa ki nongtrei Sorkar ban shong ban sah bad ban thiah ban dem.
