Shillong, ïaïong, 22: Ka jingleh burom khatduh da ka Sorkar Jylla ïa u Bah J D Rymbai uba long u Myntri Rangbah barim bad Lamphang barim ka Iingdorbar Thawain ka Jylla kan sa long ha Madan Heh, Phudmuri, Shillong ha ka sngi Saitjaiñ ha ka por 1:30 baje nohphai sngi.
Ha kaba ïadei bad kane, u Superintendent of Police ka East Khasi Hills District u Bah S. Nongtnger u la pynbna ‘No Entry’ naduh ka por 11:00 baje mynstep naduh Jingthangbriew hajan u Mot Stashu Jisu shaduh Madan Heh, Phudmuri, naduh lad Phudmuri Community Hall sha Madan Heh, na lad Nongpathaw sha ingsah u Bah JD Rymbai, na jaka ieng ki kali Autorickshaw ha Mawdatbaki sha Madan Heh, na lad Phudmuri shaduh Ingmane Presbyterian Phurmuri ter ter haduh Madan Heh, naduh lad Dong Mali-II shaduh Madan Heh.
Ki jaka pynieng kali tang shiliang surok kin long ha shilynter ka surok lad Jingthang briew haduh Madan Heh, ha shilynter ka surok naduh Ingmane Presbyterian haduh Madan Heh, ha phyllaw ka Shillong Polytechnic, naduh lad Dong Mali-II haduh Madan Heh, naduh ka jaka ka tnat Khlaw haduh Community Hall ka shnong Phudmuri.
