Ha lane shwa ka 10 tarik ka jingïalang ba khatduh ka Sorkar bad HPC shwa ban pynkynriah na Them Iew Mawlong

Shillong, Nailar 6 : Ka Sorkar kan ïa kynduh khatduh ïa ka Harijan Panchayat Committee (HPC) ha lane shwa ka 10 tarik u Nailar ban pynbeit khatduh ha kaba ïadei bad ka jingpynkynriah ïa ki na Them ïew Mawlong.
“ Ka jingïalang ba khatduh bad ka HPC kan long ha lane shwa ka 10 tarik u Nailar 2024 bad kane ka dei ka jingïakynduh kaba khatduh jia katba jia long katba long” ong u Symbud Myntri Rangbah ba dei peit ïa ka tnad Urban Affairs bad Municipal u Ma Sniawbhalang Dhar.
Ha ka jingshisha ka sorkar ka la dep buh tarik ban ïa kynduh ha ka 7 tarik u Naitung bad ka HPC hynrei namar ba khlad noh u President ka HPC kumta la hap ban pynkynriah noh sha une u bnai ba mynta.
Shwa ïa kane ha ka 31 tarik Jymmang ka HPC ka la pan por ar bnai na ka sorkar ban ïoh thung ïa u President ba thymmai.
Ka ïing Bishar High Court jong ka jylla ruh ha ka 13 tarik Jylliew 2024 ka la ai por hynriew taiew ïa ka sorkar bad ka HPC ban ïa pynbeit khatduh noh ïa kane ka kam.
Ka sorkar ka la rai ban ïa kynduh ïa ka HPC ha lane shwa ka 10 tarik namar u Secretary ka HPC u Gurjit Singh ul a pyntip sha ka HPC ba shen kin sa thung ïa u President khnang ban ïoh ïakren ïa pynbeit noh bad ka sorkar halor kane ka kam.