Ha ki Pulit Ummulong leit pyndem hi uba ñiah trok ha Star Cement uba tynrah ïa uba ñiah pickup

Khliehriat jymmang 20: Ki tyllong khubor ki ïathuh ba da ka jingïatrelang ki bor pulit lem bad kiba haïing hasem ki la lah ban pynkohnguh ïa uba ñiah ïa ka trok jong ka company Star Cement uba la tip kyrteng kum u Sailang Dkhar ha kaba u la leit pyndem hi ha ki pulit ha Ummulong, West Jaiñtia Hills District mynta ka sngi ha ka por mynsngi. Ka jingleit pyndem utei uba ñiah trok ka dei halor ka jingjia aksident kaba la jia myn ha ka 18 tarik mynta u bnai ha company Star Cement ha kaba u samla (L) Sniawbha Suchiang u la khlad noh ha shen na ka jingshah ïuh ha ka trok ba u ñiah.
Ki khubor pulit na East Jaiñtia Hills District ki iathuh ba uba ñiah ïa ka trok ki pulit ki la rah noh sha iïngbishar bad la leh katkum ki kyndon ka aiñ.
Ha ka Press Release copy ba la phah sha ki pathai khubor ki pulit ka East Jaiñtia Hills ki la buhrieh ïa ka kyrteng jong uba ñiah trok uba shah kem halor ka jingjia ba jia ha ka 18 tarik.