Mawkyrwat, Jylliew, 11: Ka Seng Samla Hima Langrin (SSHL) da ka mynsiem jong ka jing-sngewkhia bad kitkhlieh halor ka jingshah thombor ka iktiar jong ka hima, ki khun ki hajar khamtam eh ka jingshah phiah ar liang ïa ka bor synshar iktiar jong ka Hima.
Lah ban kdew ba ka jingshah phiah ar liang ïa ka bor synshar ka long ka Hima bad ka Management Board bad kiba kum kine ki jingleh ka ktah bad ka dei ka buit jong ki mynder ha kaba kumno ban pyntlot bor ïa ki bor synshar ha ka Ri Khasi.
Namarkata, ka Seng Samla Hima Langrin ka khot ka wer ïa ki longkmie longkpa, ki khun samla khamtam kito kiba la dap 18 snem shaneng ba kin wan ha ka jingpynshai paidbah ha ki ar jaka.
Ha ka 16 tarik u Jylliew, 2023 yn pynlong ïa ka jingïalang ha ka shnong Kensohsan bad ha ka 17 tarik u Jylliew, 2023 yn pynlong sa ha ka shnong Phlangdiloiñ ha ka por mynsngi.
