Nongpoh, Naitung 24: Ha kawei ka jingjia aksiden kawei ka kali Maruti Swift kaba don ïa u Registration Number ML 05 T 9723 kaba dang wan buh briew na kad liengsuiñ Guwahati ban kiew sha nongbah Shillong kala leit ban rung hi ha khrum kawei ka trok ka ba la sniew bad ba dang ïeng harud surok bah National Highway 6 haka shnong Dulongnar ha Ri Bhoi bad ha katei ka jingjia 2 ngut ki briew kila mynsaw.
Katkum ka khubor bala ioh lum katei ka jingjia kala jia hynne ka step haka por kumba 8 baje eiei ha kaba u nongñiah katei ka Swift u dang wanphai na Guwahati, bad kit ruh ïa uwei u briew ba thmu ban hiar ha Umsning, hynrei namar ka jingshoh samthiah utei u nongñiah um lah shuh ban tehlakam ïaka kali bad rung beit ha khrum katei ka trok kaba la pynlong ïa utei u nongñiah ban mynsaw malu mala bad utei u ba shong lang u la kham mynsaw jur haki bynta jong ka khlieh bad durkhmat.
Naka liang ki paidbah kiba la iohi ia katei ka jingjia kila leit mar mar ban ïarap bad pynkit da ka 108 sha Civil Hospital Nongpoh ban ioh ïaka jingsumar kaba kham kloi bad naka liang ki bor pulit ki dang pynlong ka jingtohkit halor katei ka jingjia.
