Jowai, Naiwieng 05: Ka lympung ïalehkai phutbol jong ka kyrdan ‘Super Division Football Tournament – 2024’ ïa kaba la tip kum ka “U Kiang Nangbah Memorial Trophy” bala pynïaid da ka West Jaiñtia District Sports Association, (WJDSA) Jowai kaba la sdang mynta ka sngi 5 tarik u Naiwieng ha madan Kiang Nangbah Stadium, Dongmihsngi Jowai.
Ha ka jingïakhun kaba nyngkong ka kynhun ïalehkai jong ka Demthring SC kala pynliem da 4-0 kol ïa ka Shangpung Lumiawmuchai, ïa ki kol na ka Demthring SC la thep da u Justerwell Tham haka minit ba 12 & 50, u Wadahwa Lato haka minit ba 33 bad u Marshial Nongrum haka minit ba 90.
Katba ha ka jingïakhun kaba ar ka Nangbah Mulang kala pynliem da 2-1 kol ïa ka Wahiajer, ïa ki kol na ka Nangbah Mulang la thep da u Niponghi Sumer haka minit ba 45 bad u Precious Tang ha ka minit ba 68, ïa ka shikol na ka Wahiajer la thep da u Riburom Jat haka minit ba 87.
La pyntip ka jingïakhun haka 7 tarik u Naiwieng, 2024 ka long hapdeng ka Sailung Ialong pyrshah ïa ka Ladthadlaboh Sc haka por 11 baje mynstep, katba ka 7 Wasa United pyrshah ïa ka Mukhla Raij SC haka por 2 baje nohphai sngi.
