Shillong, K’lyngkot, 31: Ka dei ka sien kaba nyngkong eh ba ki kyrtong kiba ïakhun ïa ka elekshon kin ïoh ban thep kyrteng ha Pynursla naduh ba la plie ïa ka Civil Sub Division ha u snem 2017.
Ki kyrtong kiba thep kyrteng ha Civil Sub Division Pynursla ki dei na ki ar tylli ki MDC Constituency, kata, na Nongshken bad Lyngkyrdem- Laitkroh konstitwensi.
U kyrtong ka seng Congress na Nongshken Constituency u Bah Monarch Shabong bad u kyrtong ka seng Congress na Lyngkyrdem-Laitkroh u Bah Rilang Nongkhlaw ki la thep kyrteng ha ka sngi Thohdieng.
Kiwei pat ki kyrtong kiba thep kyrteng ki kynthup ïa ka kyrtong ka seng Congress ka kong Grace Mary Kharpuri kyrtong ka NPP na Lyngkyrdem Laitkroh, u Bah Rahbok Tynsong, u kyrtong ka UDP na Lyngkyrdem-Laitkroh u Bah Ryngkat Lyndem bad u Bah Anthony Kongwang kyrtong ka UDP na Nongshken Constituency.
