Khliehriat Iaiong 2: Myn ha ki por ki sngi kiba la leit ïa ka Khasi Stidents Union ha ri lum Jaiñtia la khot kyllum lang da ka KSU Jaintia Hills Unit bad mynta ka sngi, ka 2 tarik u iaïong 2022 la pynskhem ïa ki nongialam bad ki dkhot ba pura jong ka KSU hapoh ka district ba la tip kum ka Khasi Students Union East Jaiñtia Hills District Unit, ha kaba la wan ban pyn bam smai ïa ki nongkitkam bad ki dkhot da u President rangbah ka seng u bah Lambok-starwell Marngar.
La sakhi lang ruh ia kane ka jingplie Unit ha East Jaiñtia Hills District da ki nongialam jong ki sengbhalang bapher bapher ba kumthup ka Jaiñtia Students Union, ba la mih khmat da u President, u samla Jersom Shylla, u President ka Jaintia Students Movement, u bah L.S.Rymbai, u President ka Federation of Khasi Jaiñtia and Garo People East Jaiñtia Hills District, u bah Mac Meral Suting, ka President jong ka STIEH, ka kong Deiwi Tongper bad kiwei kiwei, kumjuh ruh la ïa don ryngkat lang u myntri ka sorkar jylla, uba dei u MLA ka thaiñ u bah Kyrmen Shylla, u Deputy CEM ka Jaiñtia Hills Autonomous District Council, uba dei ruh u nongialam ba rim jong ka KSU nari lim Jaiñtia, u bah Lasky Rymbai, u MDC Khliehriat, u bah Finelyness Bareh, u Rev Fr George Shinning Lyngkhoi, u Rev Emlangmi Sapuh bad kiwei kiwei ki riew rangbah.
Haba kren ha ka jingialang, u President rangbah jong ka KSU Central Executive Council, u samla Lambokstarwell Marngar, u la ai mynisem lang ïa kiwei kiwei ki para nongialam sengbhalang kiba la ïa don ryngkat lang ha kane ka sngi da kaba ong ba “Ka kam nongialam kam dei ka paiñsngiat hynrei ka dei ka kamram bad kata ka jngkit kaba khia ka don ha nga bad ha phi, ngi shah beiñ ruh kiba bun, ki jingshah kynthoh ruh kiba bun, ki jingpyntieng ruh kiba bun bad ki jingwoh kjat ruh kiba bun, hynrei tang kita kiba skhem ka nongrim ki hap ban iaineh, lada sngap ki ong balei phi sngap, lada phi kren kin ong balei phi shu bun nia bad ngin nym sngap ïa kita kiei kiei hynrei ngi dei ban leh ïa kaei kaba bha tam ïa kaba kum ka jaitbynriew bad kum ki samla ki donkam ban noh syniang sha ka ri bad ka jaitbynriew baroh kwei”
Kumjuh ruh u la ai ka jingkhublei kitbok kitrwiang bad buh ïa ki kyntien kyrkhu kyrdoh ïa ki nongialam bad ki dkhot ka KSU East Jaiñtia Hills District Unit kiba la pynskhem ha kane ka sngi.
Ki nongialam jong ka KSU-EJHU kiba la pyn skhem bad shah pynbam smai ha kane ka sngi, ki kyn thup u President, u samla Streamly. S.Suchen, Vice President, u bah Satly Ryng-khlem, General Secretary, u bah Kwilnis Suchiang, Assistant General Secretary, u bah Pynshaikupar Dkhar, Finance Secretary, u bah Shaniahskhem Dkhar, Assistant Finance Secretary, u bah Cherity Suja bad u bah Khihlang Shylla,, Organising Secretary, u bahDeiniwan Lyngdoh, Assistant Organising Secretary, u bah Olenbat Pdang, Chibait Rymbai bad u bah Donbok Mukhim, Education Secretary, u bahEmmon Chyrmang, Assistant Educ ation Secretary, u bah Santoba Bamon, u bah Benito Suja, Publicity Secretary, u bahHamewn pynhun Ryngkhlem, Assis-tant Publicity Secretary, u bah Meshak Kyndoh, Office Secretary, u bahJovelity Dkhar bad Kyrshan Dkhar, Environment and Socio Cultural Secretary, u bah Phanuel Tongper bad kiwei kiwei.
Ia ka jingialang la pyn iaid da u Organising Secre-tary KSU Seng Kmie, u samla Ostanic Marbaniang.
Ha kane ka sngi la ia don ryngkat lang ruh ki nongia lam bad ki dkhot jong ka KSU Barak Valley na Assam.
La pynbyrngia da ki jingrwai na u kaitor ka ri khasi, u samla Bankerlang Khar-kongor bad ki jingshad na ki dkhot ka KSU Girls Wing East Jaiñtia Hills.
