Nongpoh, K’Lyngkot 16: Ka skulbah University of Science and Technology sa shisien pat kala iohpdiang biang ïaka khusnam University of the year 2025 da ka Academic Insights haka Education Excellence Awards and Summit Ceremony, kaba la long ha Bengaluru.
Ha kane ka jingïalang la sakhi ruh da kumba 200 ngut ki khraw pyrkhat bad ki nongïalam na kylleng ka ri, bad ïa kane ka khusnam la pdiang da u Mahbubul Hoque Chancellor ka skulbah USTM haka jingdonlang u Prof GD Sharma Vice Chancellor bad kane ka dei ruh ka sien kaba ar ba ka skulbah USTM ka iohpdiang ïa kane ka khusnam kaba khraw hadien u snem 2024 ba kane ka skulbah kala ai ka jingshakri sha ki samla pule kumba ka USTM ka don ïaka thong ban kyntiew ïaka pule ka puthi haka thaiñ Shatei Lam Mihngi.
Naka liang u Mahbubul Hoque u la pynpaw ka jingsngewkmen kaba khraw halor kane ka khusnam ba khraw bala iohpdiang da katei ka skulbah halor kitei ki kam ba kum ka skulbah kala ai ka jingshakri naduh ka pule ka puthi bad ki liang baroh ryngkat ka thong ban dang pynjanai shuh shuh ïaka jingshakri sha ki samla pule ba katei ka skulbah kan nang kiew nangroi bad nang tyngshaiñ katba nangmih ki sngi.
