Ha ka por ba biang yn pyllait paidbah ka BJP ïa ka kaiphod tohkit tih dewiong beaiñ

0

Shillong, Risaw 08 : Ka BJP wat hadien ba ka la ïoh ïa ka kaiphod na ka kynhun wad bniah jong ka (fact finding committee) kaba ïadei bad ka jingkynnoh ba ka don ka jingtih beain ïa u dewiong ha ka jylla, hynrei kane ka party haduh mynta kam pat pynpaw paidbah ïa ka kaiphod.
Haba kren bad ki lad pathai khubor, u President ka Party, u Rikman G Momin u la ïathuh ba ha ka 22 tarik Jymmang ki la ïoh pdiang ïa ka kaiphod tangba u ong pat ba ïa kane ka kaiphod kin sa pyllait paidbah ha ka por kaba biang.
Kane ka committee kaba la thaw ha ka 11tarik Rymphang ka la shah bynshet ba kan tohkti bniah halor katei ka ishu kaba mih ka jingkynnoh ba ka don ka jingtih beain ïa u dewiong ha ka jylla. Hapoh ka jingïalam jong u Bernard Marak kum u Convener bad Marïahom Kharkrang kum u Secretary, kane ka komiti ka kynthup ïa ki phra ngut ki dkhot.
Hynrei haba kylli pat halor katei ka kaiphod ha ka jingïakren bad ki lad pathai khubor, u Bah M Kharkrang uba dei ruh u nongai ktien ka BJP u la ong ba ïa kane ka kam hap ban kren bad u Chairman ka committee.

Leave A Reply

Your email address will not be published.