Nongstoiñ, Risaw 09 : La ïohi ïa kine ar ngut ba ki la sdang ban pynpaw pyrthei ïa ka jingïajuh ïajan bha, kata u MLA barim bad u MLA ba thymmai mynta jong ka Nongstoiñ Constituency Bah Mac Milan Byrsat bad Bah Gabriel Wahlang.
Na ka liang ka seng National People’s Party Nongstoiñ, mynta ka sngi ka la pynlong ïa ka jingïalang ba kyrpang kum shi bynta ban ïathir jingmut bad ki nongkitkam jong ka seng haba ïadei bad ka jingpynkhlaiñ shuh shuh ïa ki kam jong ka seng.
Ïa katei ka jingïalang la pynlong ha Mecofed Hall Nongstoiñ hapoh ka jingpynïaid u bah Manoy Byrsat kum u working president ka National People’s Party ka Nongstoiñ Block.
Ka seng ka la mynjur bad pdiang sngewbha ruh ïa u bah Gabriel Wahlang kum u Adhoc President ka NPP Nongstoiñ Block, pynban u bah Macmillan Byrsat un ïaineh kum u president ka NPP West Khasi Hills District.
Ha katei ka jingïalang la ïadonlang ruh da ki phew ngut ki nongkyrshan jong kitei ki MLA barim bad ba thymmai, kiba ka sur hi na kiba bun ba lang ka long ba kin ïa trei ryngkat na ka bynta ka burom jong ka NPP bad ka Constituency baroh kawei.
