Ha ka kam shipai ngim ju ïalam na shadien, ngi ïalam na shakhmat: Major Genl. Rajesh K. Jha

Shillong, Naitung 13 : Ka Indian Institute of Management (IIM) Shillong, kaba la tip kum kawei na ki jaka pule ba hikai kumno ban long ki nongïalam kiba don jingkitkhlieh bad ki nongïalam ka lawei, ka la pynlong ïa ka prokram halor ka phang Veteran Leadership Series, 2025, kaba kynthup ruh ïa ka phang “Leadership Lessons: From Battlefield to Boardroom,” kane ka prokram ka pynpaw ïa ka jingdon ka jingïadei bad ki kam long nongïalam ha ki kam shipai khamtam haba ïadei bad ki kam kiba long katkum ka por kaba mynta.
U kongsan ha kane ka prorkam u la long u Major General Rajesh Kumar Jha, AVSM & Bar (Retd.), Director (Personnel) ha NEEPCO, bad uba la kren Lamphang ha kane ka prokram. Hadien ka jingshakri jong u la palat 38 snem ha ka kam shakri ha ka Indian Army, ba kynthup ha ka jinglong nongïalam ha ka thma Doklam, Kargil, Tawang, Sikkim, J&K, bad Ladakh, u General Jha u la wanrah ka jingïatylli hapoh ki kam shipai bad ka jingïatreilang kaba hakhmat duh ban ïada ïa ka ri.
Katba ha ka jingkren sdang jong ka, ka Professor Nalini Prava Tripathy, Director-in-Charge, ka la banjur halor ka jingkordor ban nang ban tip halor ka jinglong nongïalam kaba dei ban ïohmad. Ka la pynpaw ïa ka jingdonkam ban long ki nongïalam na ka bynta ka lawei kaba donkam ban pynleit jingmut ban trei shitom, ka jingshlur bad ka jingïohi jngai kaba barabor kaba don ha ki kam shipai.
Haba kren hakhmat jong ki samla ba bun, ki nongtrei, ki nonghikai bad kiba la shah khot sngewbha, u Major General Jha u la sam ïa ki jingïoh mad ba shimet jong u bad ki jingïoh jingtip halor ka kam long nongïalam kaba donkam ban pynleit jingmut, ka rukom ban shim ïa ka rai, ka jingbeit ka rukom treikam, bad ka jinglah ban pynïaid bad ki briew. “Ha ka kam shipai, ngim ju ïalam na shadien; ngi ïalam na shakhmat,” u la ong, da kaba pynshlur ruh ïa ki samla kiba ïalam nakhmat ban leh ïa ki kam da ka jingshlur bad ka jingïalong kawei, khamtam ha ki por bym long ba thikna.
Haba pynpaw ba kane ka jingkren jong u ka pynphalang halor ka jingleit hiar thma SINDOOR ne Operation SINDOOR, kaba u la batai kum ka blueprint na ka bynta ka jingïakhun kaba shai, ka jingpynkhreh ruh lyngba ki technology, ka jingkiar na ki shah pynngat ki riew paidbah bad kiwei kiwei. U la pynïasoh ïa kine ki jingkordor ki kam shipai ha ka kam ban long nongïalam.
U la kren ruh halor ki kam kiba u la pyrshang ha NEEPCO, ha kaba u la ïalam ban wanrah ka jingkylla hapoh ka HR, ka thungkam thungjam, ki kam badei bad ki karkhana, ki kam shah hikai, bad CSR, da ka jingpynleit jingmut kaba khlaiñ halor ka jingdonkam ban kynthup ïa ki shynrang bad kynthei, nangta ka jingpynim ïa ki kam ïalehkai, bad ki kam kiba pynneh. Kumba long mynta u Major Jha u la long uba lamkhmat haba ïadei bad ka jingdonkam ban wanrah ïa ka jinglong jyrngam lyngba ka jingïatreilang bad ka Indian Army hapoh ka NTPC Group, kaba pynkhlaiñ bor biang ïa ka jingïadei hapdeng ka national service bad ka sustainable development.
Ha kane ka session la wan ban ïashim bynta da kiba bun ki kynrem ki lyndan bad ki nongmihkhmat na NEEPCO ba kynthup ïa u Ramesh Kumar Jha, Retired IRSE Officer, ka Elbin D. Doley, General Manager (HR), NEEPCO, u Ajay Kumar, Deputy General Manager (Industrial Relations), NEEPCO, u Anupam Buragohain, Manager (HR), D-P Secretariat.
Kane ka prokram ka la kut da ka jingai khublei na ki coordinator ki samla pule, ba la pynbud da ka Q&A session halor ka jingdonkam ka jingkylla ha ka kam long nongïalam bad kiwei kiwei.
Ka IIM Shillong ka la ïai pynskhem ka jingangnud ban hikai ïa ki samla pule ban long ki nongïalam la ka long ka jingmut jingpyrkhat, ka jinglong shlur bad ka jingïaineh ha ka kam.