Ha ka jingïalang ba don u MLA ka NPP beiñ bad kynthah tyngeh ka Kong Purity ïa ka NPP

Shillong, Naiwieng 24: Ka president jong ka Saiñdur Tipkur Tip Kha Ïeng Eh Rngieng Khun Hynñiewtrep (STIEH) ka Kong Purity Phawa haba ai jingkren yha ka jingïalang shong kyllaiñ myngngor bad jingthang mombati ha khmat u mot Kiang Nangbah ka la beiñ bad ther tyneh ïa ka sorkar ba la ïalam da ka NPP bad ïa ka party NPP hi baroh kawei namar kiba bun ki polisi treikam jong ka ki long pyrshah ïa ka jaidbynriew bad ha kane ka jingïalang la don lang ruh u MLA ka NPP ba mih khmat ïa ka Mawryngkneng u Bah Pynïaid Sing Syiem.
Haba kren ha kane ka jingïalang ka Kong Purity ka la ong ba ka jingduh ei ki mynsiem ha ka kti ki Pulit Assam ka dei namar ka jingbym ler ka sorkar bad ka jingjem khnap ki pulit. Ka la ong ruh ba ka jingdawa ki paidbah ki paidbah ban buh ïa ka thanat pulit ha Mukroh ka sorkar ka thmu pynban ban buh ha Borato kaba long markhaongpong ïa ka jingkwah u apidbah katei ka thaiñ.
Ka la ong ruh ba ka jingbym ju sngap ka sorkar ïa kaei kaba ki dkhot ka jaidbynriew ki dawa ban ai jingshngaiñ ïa ka jylla kam ju sngap satia bad kynnoh ruh ba ka jingmih ka jingkulmar ha ka imlang sahlang ka dei namar ka jingbym ler ki 60 ngut ki nongïalam kiba ngi la jied.
“Ka aiom jied nongmihkhmat ka la jan dei bieng tip haleh ïoh kin wan biang kine ki juh” ka la ong bad bynrap, “’Nga hap ban kren ïa ka jingshisha wat la i Bah Pynïaid i don hangne hynrei nga hap ban bei1 ïa ka namar dang tang shisnem tam ka sorkar ka la pynpdung ïa uwei u dkhot ka jaidbynriew ha Mawlai Kyntonmasar bad haduh mynta ïa une u rangbah ruh ngim pat ïoh satia ïa ka jingbishar ba hok na bynta jong u’.
Shuh shuh ka la ong ruh ba ka jingfleh ki pulit ban leh khla tang ha Shillong namar sha ki tahiñ khappud kim shym la leit ban ai jingïada ïa ki hynrei kham bunsien ki paidbah ki kham shniah pynban ha ki seng bhalang.
Ka la ong ruh ba ka jingsiew bai lut ksan ba san lak kam lah satia ban ai jingim biang ïa kiba la khlad noh.
“San lak ki ai bai lut ksan na bynta kawei ka mynsiem briew sngew thamula pynban halor kane namar tang ban wanrah da kita ki nongrwai na shiliang duriaw pat da ki klur ki mang ban pyllut’ ka la ong.