Shillong, Naitung, 13: Ha ka jingïaid lynti kaba 60 snem ban bsa ïa ki umpohliew jingstad sha ki samla pule, ka Synod College, Shillong ha ka sngi Saitjaiñ ka la pynlong ïa ka Health Camp ha ryngkat ka jingïasnohkti lang bad ka National Health Mission lem bad ka ophis District Medical and Health Officer kum shi bynta ban pynsngewthuh sha ki samla pule bad sha ki nonghikai ïa ka jingkordor jong ka koit ka khiah.
Ka Junior Mission Director jong ka National Health Mission ka Dr. N.E kharsohnoh haba kren ha kane ka sngi ka la pynpaw ba ka jingpynlong ïa kane ka Health Camp ka long ban pynsngewthuh ïa ka jingkordor jong ka koit ka khiah. Ka la batai ruh ba ka jingpynlong ïa kum kine ki programme ha ki shlem pule kan ïarap bad ai jingmyntoi ruh ïa ki samla pule namarba ka jingkoit jingkhiah kan pynlong ïa ka jabieng ruh ba kan kham proh.
Ha kane ka sngi, la sakhi lang ruh da ka District Medical and Health Officer ka Dr. Angel Kharduit, ka Principal jong ka College ka Dr. G. Lyngdoh, u Vice Principal u Dr. M. Rani, u Head of Department of Political Science u Dr. C.R Lyngdoh bad ki samla pule jong ka college.
