Shillong, ïaïong 03: Haba ïadei bad ka khubor ka lympung ïalehkai ka Meghalaya State League (MSL-5), ïa kaba yn sa pynlong ïa ka da ka Meghalaya Football Association, naduh ka taiew kaban wan, ha ka Group C la don lang ruh ka kynhun ïalehkai ka Mawlai Sports Club, kaba bat ruh artad ïa ka nam kum ka lahduh jong kane ka lympung bad ba kan mihkhmat ïa ka Shillong Sports Association.
Kiwei pat ki kynhun ba la pynïakap lang bad ka Mawlai SC ha kane ka group ki long Amlarem SC, Lamin XI SCC ( ba dei na Amlarem Sub-Division SA) bad Laskein SCCC (Laskein Block SA).
Ïa ki jingïakhun jong kane ka group la buh ban pynlong ha Amlarem.
