Shillong, Ïaïong 10: Ka Sawmer SC kala khur jingjop da kaba pynliem da 1-0 pyrshah ïa ka Nongthymmai SC ha ka lympung ïalehkai First Division Football League jong ka Shillong Sports Association (SSA).
Ha ka jingïalehkai ha ka sngi Saitjaiñ ha madan MFA, ka Sawmer SC kala jop tang da ka shi kol ba la thep da u Ailumbha Rapsang ha ka minit ba 28 bad haduh ba kut ka jingïalehkai ka Nongthymmai SC ka khlem ïoh ban pynphai bad mad noh ka nam rem. Ka jingïalehkai kan long pat ha ka 12.04.2022 hapdeng ka Umphyrnai SC bad Imson SC ha ka por 3:30 janmiet.
