Shillong, Rymphang 18 : U President jong ka Trinamool Congress (TMC), Bah Charles Pyngrope u la pynpaw ba ka party ka la pynkhreh ban sei kyrtong ha baroh 29 tylli ki constituency na ka bynta ka elekhshon MDC ha Garo Hills Autonomous District Council (GHADC) kaba la buh ba long ha ka 10tarik u Ïaiong mynta u snem.
“Na ka bynta ka elekshon sha District Council, u Nongïalam ka Liang Pyrshah Dr.Mukul Sangma u la trei borbah na ka bynta ban sei kyrtong ha baroh ki constituency ha GHADC,” ong u President haba kren bad ki lad pathai khubor.
Shuh shuh u la ong ruh ba ki la ïoh pdiang bun ki nongaplai bad don ruh kiba ki la pynïaid shakhmat ïa ka kam tangba kim pat lah ban pyllait ïa ka thup kaba khatduh.
Ka TMC kaba don mynta ha ka Liang Pyrshah ka don san ngut ki MLA kata uwei na rilum Khasi – Jaintia bad saw ngut pat na rilum Garo.
