Khliehriat, Nohprah 09: Ka lympung ïalehkai phutbol jong ka kyrdan Super Division Football Tournament-2024 kaba la tip kum ka 4th Kyrmen Shylla Contribution Trophy ïa kaba la pynïaid da ka East Jaiñtia Hills District Football Association (EJHDFA) kaba la long hynne ka sngi Nyngkong (09 tarik Nohprah, 2024) ha madan EJDSA Artificial Turf, Diengshynrum, Khliehriat.
Haba phai sha ka jingïakhun Semi Final (Qualifier 1) ka kynhun ïalehkai jong ka Dhana CSC kala jop da 1-0 Thangskai Tiger SC, ïa ki kol na ka Dhana SC la thep da u Shot Swer ha ka minit ba 63.
Lyngba kane ka jingjop jong ka Dhana SC kala ïoh ban pynthikna ïalade ban rung sha ka phainal haka Super Division jong ka EJHDFA mynta u snem.
Ha kane ka sngi Hatmajai (10 tarik Nohprah, 2024) ka jingïakhun kan long hapdeng ka R.Shkenshynriah SC pyrshah ïa ka Sutnga SSCC haka por 1:00 PM ha ka Eliminator Round jong ka Super Division EJHDFA.
