Jowai, Naiwieng 15: Ka jingïalehkai phutbol jong ka kyrdan Super Division Football Tournament-2025, kaba la tip kum ka 5th Kyrmen Shylla Contribution Trophy, ïa kaba la pynïaid daka East Jaiñtia Hills District Football Association (EJHDFA) kaba la long ha ka sngi Saitjaiñ (15 tarik Naiwieng) ha madan Artificial Turf, Diengshynrum, Khliehriat.
Ka jingïakhun kaba nyngkong jong kane ka sngi kaba la long hapdeng ka Diengshynrum SC pyrshah ïaka Chiehruphi SYWSC kala poi sha ka jingïakhaid, ha kaba ym shym la don ba lah ban pynkhihjar (0-0).
Katba haka jingïakhun ba ar ka Shilliang Umshong SC kala khur ïa ka jingjop da kaba pynliem noh da 2-1 kol ïaka Thangskai Tiger SC.
Ki ar kol jong u Besterly Ksih kiba u la thep ha ka minit kaba 6 tang mar ïa sdang bad ha ka 58 minit ka la biang pura ïa ka Shilliang Umshong ban khur ïa ka jingjop. Ka shikol na ka Thangskai la thep da u Phermedaki Syrti (90+4 P’).
