Khliehriat, Nailar 09: Ka kynhun ïalehkai phutbol jong ka Lumshnong YWSC kala long ka lahduh haka kyrdan ‘2nd Division League Stage 2025’ bala pynïaid da ka East Jaiñtia Hills District Football Association (EJHDFA) haka jingïakhun phainal kala long hynne ka lah sngi U Blei ha madan Artificial Ground Diengshynrum, Khliehriat.
Haba phai sha ka jingïakhun phainal hapdeng ka Lumshnong YWSC bad ka Khliehriat East YWSC kala long kaba ïakhaid bha namar kim shem la ïoh satia ban thep kol tad haduh ba kut jong kaba por ïakhun, kumta la hap ban pynïakhun noh da ka jingïashut Tie Breaker ha kaba ka Lumshnong YWSC kala jop da 4-3 kol ïa ka Khliehriat East YWSC.
Ha kane ka lympung ïa ka nam Player of the Match la ïoh da u Skemborlang Rupai na ka Lumshnong YWSC, Top Scorers la ïoh da u Arlangki Sutnga na ka Khliehriat West FC, Best Goalkeeper la ïoh da u Bobbyson Nongtdu na ka Lumshnong YWSC, katba ïa ka nam Player of the Tournament la ïoh da u Rida o Rupai na ka Lumshnong YWSC.
Ïa ki khusnam sha ki nongjop la sam da u kongsan jong kane ka sngi u TBn. Grimlang Dkhar, ha ka jingdonlang u symbud kongsan ma Moses Swer, u MLA ka thaiñ ma Kyrmen Shylla uba dei u Myntri ka sorkar jylla, ki MDC kynthup ïa u ma Krison Langstang, MDC kong Violet Lyngdoh, u Daloi ka Elaka Lumshnong ryngkat ki nongkitkam ka East Jaiñtia Hills District Football Association (EJHDFA).
