Jowai, Nailur 26: Ka lympung ïalehkai phutbol jong ka kyrdan 1st Division League 2025 bala pynïaid daka East Jaiñtia Hills District Football Association (EJHDFA) kaba la long ha ka sngi Thohdieng (26 tarik Nailur, 2025) ha Artificial Diengshynrum, Khliehriat.
Haba phai sha ka jingïakhun kaba nyngkong jong kane ka sngi ka Rymbai Synrangshahkhain SC kala pynliem noh da 1-0 kol ïaka Mukhaialong SCSC, ïa katei ka shikol na ka Rymbai Synrangshahkhain SC la thep da u Iaishah Bareh ha ka minit ba 14.
Katba ha ka jingïakhun kaba ar hapdeng ka Sutnga Mission SSC bad ka Rymbai Madanpynriang kila poi sha ka jingïakhaid da mar shikol 1-1, ïa ka kol na ka Sutnga Mission SSC la thep da u Tyo Syrti haka minit ba 59. Katba ka shikol na ka Rymbai Madanpynriang SC la thep da u Rapporme Dkhar haka minit ba 15.
La pyntip ba ka Rymbai Synrangshahkhain SC (top team), ka Rymbai Madanpynriang SC (2nd top team) bad ka Rymbai Wahshnong SC kum ka (2nd top team) na ka Group-A kila ïoh ban rung sha ka Quarter Final jong kane ka lympung ka ban sdang naduh ka 29 tarik u Nailur.
