Shillong, Nailar, 10: Ki paidbah kiba la ïohkem ïa uwei u nongdih drok ba la tip kyrteng kum u Ricky Kshiar ha ka sngi Palei jong ka taiew baladep ha ka por 6.20 baje mynstep ki la leit aiti ha ki Pulit ka Nongmensong OP bad pyntip ruh da ka ktien ba une u nongdih drok u la dung pynmynsaw ïa u Bah Andreas Nongbri ha Dongkamon, Shillong.
Ïa u Bah Andreas uba la mynsaw la pynkit noh sha Nazareth Hospital, Shillong, katba ïa u Ricky Kshiar la rah sah Civil Hosital, Shillong.
Hadien kane, u Bah Wanstar Marweiñ u la leit pynrip sha ki Pulit ba ma u ruh u la ngat ha ka jingshah thombor ha u Ricky Kshiar ha ka Dongkamon, Shillong.
