Donkam ka jingkyrshan ki paidbah ban ïakhun ïa ka jingsniew jong u drok: Kyrmen Shylla

Shillong, Nailar 28: U Myntri ka sorkar jylla u Bah Kyrmen Shylla u la pynpaw ïa ka jingdonkam ka jingkyrshan jong ki paidbah ha ka ban ïakhun ïa ka jingsniew kaba mih na u drok ha ka jylla.
Haba ïakren bad ki lad pathai khubor ha ka sngi Palei u Bah Shylla u la ong ba watla ki la don ki jingpyrshang na kiba bun ki tnat, ba kynthup ïa ka tnat pulit bad ka tnat social welfare, kane ka jingeh ka dang ïai don.
U Myntri u la ong ba ka jingdonkam ban ïatreilang ka long ka mat kaba hakhmat haba ïadei bad ka jingpyndonkam bakla ïa u drok.
U la kyntu ïa ki paidbah ban ïatreilang bad ka sorkar bad ki tnat kiba dei peit ban lah ban ïakhun ïa kane ka jingeh kaba mih na u drok.
U Bah Shylla u la ong ba kam long kaba suk ïa ki tnat sorkar marwei ban poi sha ki kyndong kynshrot jong ka jylla kumta ka long kaba kongsan ïa ka jingïashim bynta jong ki paidbah ban ithuh bad ban pyntip haba ïadei bad ki kam drok.
Haba kubur ba ka jingpyndonkam bakla ïa u drok ka dei ka jingïakhun ha shi tyllup ka pyrthei bad ka Meghalaya kam shym la don tang marwei ban ïakhun pyrshah ïa u, u Myntri u la ong ba da ka jingïapyrshang lang kan sa long kaba lah ban wanrah ka jingkylla.
U Myntri u la khot ïa ka jingïatreilang jong kiba bun ba kynthup ïa ki tnat kum ka social welfare, ka tnat pule puthi bad pulit ban ïakhun ïa kane ka jingeh.