Donkam ban sngewthuh ïa ka dor ka mariang haba ngi rakhe ban pynneh ïa ka: Staising

Mawkyrwat, Jylliew 05: Ka Village Natural Resource Management Committee (VNRMC) jong ka shnong Phanñiewlah-Neng kaba hap ha Mawphlang C&RD Block da ka jingkyrshan jong ka Meghalaya Basin Management Agency (MBMA) lyngba ka Meghalaya Community Led Landscape Management Project (MCLLMP) ka la pynlong ïa ka jingïalang ban pynshai ïa ka sngi jingpynneh mariang ne ka World Environment Day.
Ïa kane ka prokram la pynlong ha ka 3 tarik u Jylliew ha jaka jong ka 5 tarik u Jylliew manla u snem bad ruh ka jingthung dieng hapoh ka Seng Khasi Phanñiewlah Neng LP&UP School da ka jingdon ryngkat ki nongshong shnong, ki nonghikai bad khynnah skul katei ka skul.
U la pynpaw ruh ïa ka jingïohi jngai ki longshwa manshwa ki jong ngi ïa ka jingkordor ka mei mariang da ka jingbuh ïa ki ‘law kyntang, ki ‘law khang bad ter ter.
Ïa ka prokram ba lyngkot la pynïaid da u samla Wanjingmut Jaba uba dei u Village Community Facilitator ka shnong Phanñiewlah Neng, la ïoh ruh ïa ka jingkren na ka kong S. Rynjah kaba dei ka nonghikai katei ka skul kaba la kyntu ïa ka jingdonkam ban pynneh pynsah bad sumar ïa ka mariang.