Shillong, Nohprah 10 : Ka Tura Municipal Board ha ryngkat ka jingïatrei lang bad ka Animal Husbandry & Veterinary Department ka la pynlong ïa ka prokram ai jingpynshai halor ka jingdonkam ban rejistar ïa baroh ki ksew ba ri hapoh u pud u sam jong ka Tura Municipal naduh ka 08tarik Nohprah, 2025.
Kumta, la bthah ïa baroh ki briew kiba ri ksew ki lah ban rejistar online ha www.turamunicipalboard.com lane da kaba leit ha ophis treikam jong ka Tura Municipal Board. La pyntip ruh ba ki kot ki sla kiba donkam na bynta kane ki kynthup naduh ka injek anti-rabies vaccination certificate, ka ID ba long trai, ka jaka sah bad ka dur jong u ksew.
La pyntip ruh ba na ka bynta kino kino ki jingtip kiba kham bniah ki lah ban ïoh lyngba u helpline number: 03651-350052.
