Shillong, Jylliew 19: Ka tnat Health & Family Welfare, ka sorkar jylla Meghalaya ha ka jingïatreilang bad ka Zublee Foundation ha ka sngi Balang ki la pynlong ïa ka jingpynsngewthuh halor ka “Deceased Organ Donation and the Way Forward (DODWF),” ha MIIT, Brookdene, Dhanketi, Shillong. Dr. Joram Beda, Commissioner & Secretary, Health & Family Welfare Department la wan long kum kongsan ha ka jingdonlang Dr. Sarbeshwar Sahariah (Padma Shri), Chief Transplant Urologist, KIMS Hyderabad & Pro Vice Chancellor, USTM, Meghalaya, Priyanka Borah, CEO, Zublee Foundation bad kiwei kiwei.
Haba kren ha ka jingïalang kkongsan, Dr. Joram Beda la pynpaw ka jingkyrmen ba kane ka prokram pynsngewthuh kan pynshai ïa ka tnat ba dei khmih shaphang ka jingïada ïa ka jingim kaba ktah ïa ki jingai ïa ki dkhot met na ka bynta ki nongpang ha ka por ba ki donkam kyrkieh.
Haba kren shaphang ka jingdonkam ban nohsynniang ïa ki dkhot met jong kiba la khlad, Dr. Sarbeshwar Sahariah la kren shaphang ka jingduna ban nynniang ïa ki dkhot met ban pyndep ïa ka transplantation ha India bad banjur ïa ka jinglong kongsan ka jingpynsngewthuh ha ka ban kyntiew ïa ka jingnoh synniang ïa ki dkhot met.
Ha ka jingkren jong ka, ka Priyanka Borah, CEO of Zubelee, ka la ong ba ka la don ka jingduna ka jingpynsngewthuh paidbah bad ka jingsngewthuh halor kane ka jingnoh synniang ïa ki dkhot met. Ka la pynpaw ruh ba ka don ka jingkheiñ kaba duba ba ki nongshong shnong ka Meghalaya ki ban leit leh ïa ka transplant ha kiwei pat ki bynta jong ka ri.
Ka Borah ka la ban jur ïa ka jingdonkam kaba kyrkieh ban don ki jingtei ban kyrshan ïa kane ka kam synniang ïa ki dkhot met.
