Shillong, Rymphang 17: Ka seng Liang Pyrshah Voice of the People’s Party (VPP) ka la aiti ïa ka thup jong ki 77 tylli ki Polling Station ba don jingma ban mih ki huri hura ha ki 17 tylli ki constituency ka East bad West Jaiñtia Hills, ka ban leit sha ka elekshon JHADC la 21 tarik Rymphang.
Ha kaba ïadei bad kane na ka liang ka VPP ka la kyrpad ïa ki bor Sorkar ba kin pynkhlaiñ ïa ki bor pahara ha kine ki Polling Station khnang ban khanglad ïa kino kino ki jingpyrshang ban thombor ne pynhuri hura ïa ki Polling Booth.
Ha ka shithi ba la phah la ka jong sha ki District Election Officer (DEO) jong ki ar District, u General Secretary ka VPP bad MP ka Shillong Dr Ricky AJ Syngkon ula ong, “Kat kum ki khubor ba la ïoh pdiang, kine polling station bad ki constituency jong ki ba la pyni harum ki dei kiba la kheiñ kum kiba don jingma ban mih huri hura”.
“Nga kyrpad ïa phi ban pynbeit ïa ka jingpahara kaba khlaiñ ban tehlakam ïa kano kano ka jingpyrshang ban pynthut ïa ka jingïathep vote kaba ïaid beit ïaid ryntih da ki nongthep vote bad ban khanglad ïa kano kano ka jingpyrshang ban thombor ïa ki polling booth lane kino kino ki kam kiba lah ban ktah ïa ka jingïathep vote,” ula ong.
Related Posts
Ka VPP ka la aiti ïa ka thup ki 21 tylli ki polling station kiba don jingma ban mih huri hura ha ki 7 tylli ki constituency ka East Jaiñtia Hills.
Kine ki dei ka 3 tylli ha- Bataw – A (male), Bataw – B (female) bad Lakadong ummate ha Bawtaw-Lakadong constituency, 6 – Wapung Shnong A (male), Wapung Shnong B (female), Tuber Sohshrieh, Pynthorsale, Mukhaialong A (male) Mukhaialong B (female) ha Tuber Wapungshnong constituency, f4- Tluh, Byndihati A, B & C, Larseng, Umtyra ha Sutnga-Nongkhlieh constituency, 5 – Sonapyrdi bad Ratacherra A & B, Waungskur, Moolamanoh, Moolamanoh ha Narpuh constituency, 1 – Jalaphet Sumer baroh A&B ha Sumer constituency, 3 – Jalaphet Sutnga (male), Jalaphet Sutnga (general), Jalaphet Sutnga (female) ha Sutnga-Narwan constituency bad 1 – Khliehriat East ha Rymbai-Khliehriat constituency.
Ka thup jong ki 34 tylli ki polling station kiba don jingma ha ki 9 tylli ki constituency ka West Jaiñtia Hills ki dei 5 – Mukhla A (male), Mukhla B, Mukhla Mission, Mukhla Sohshrieh, Umalngshor ha Mukhla Ummulong constituency, 9 – Wahïajer A, Wahïajer Rc, Wahïajer B, Wahïajer C, Wahïajer Lumbahdakha, Wahïajer D ha Nartiang-Wahïajer constituency, 4 – Byrwai A&B, Pasyih A&B, Thadmuthlong A&B, Thadmuthlong Phramer ha Muthlong-Sohkymphor, 1 – Lathumphu A&B ha Shilliang Myntang constituency, 1 -Mukhroh A&B ha Barato Mukroh constituency, 3 – Moodymmai A, Moodymmai B, Moodymmai C ha Moodymmai-Nongkrih constituency, 1 – Sabah Muswang ha Nangbah-Mihmyntdu constituency, 5 – Mynsngat (male), Mynsngat (female), Mynsngat – Rakhwi, Namdong (male), Namdong (female) ha Mynsngad-Khanduli, 6 – Umdeinlin, Nongryngkoh, Mookaïaw, Mookaïaw B, Mookaïaw A, Mookaïaw D ha Mookaïaw constituency.
Nalor kane, ka thup ki 12 tylli ki polling station ba jur eh ka jingma ban mih huri hura ka dei ha Shangpung constuency ba kynthup ïa ka Khliehmusut Shangpung, Shangpung Pohshnong A, B bad C, Shangpung Mission (male & female), Khliehrangnah (male and female), Mynkrem, Khlookynrin, Mulieh R Mulieh S, Mynktung Khliehumbuit, Shangpung Moosyiem bad Shangpung Moolibang.