Shillong, Rymphang 13 : U MLC ka Bihar bad Convener ka Budget Publicity Campaign ha ka Thaiñ Shatei Lam Mihngi, u Devesh Kumar, ula ban jur ïa ka jingdonkam jong ka jingïatreilang jong ki trai shnong ban pynïasoh lynti rel ha ki lai tylli ki Jylla ka thaiñ kynthup ka Meghalaya.
“U Myntri Rangbah Duh u kwah ba kawei pa kawei ka Jylla kin ïasoh noh da ka lynti rel, hynrei ïa kane yn hap ban leh da ka jingïarap, kyrshan bad ïatreilang jong ki trai shnong” ong u Kumar haba pynpaw ïa ka jingai jing myntoi ka lynti rel ba dang shu pynïasoh shen ha Mizoram.
U Kumar ula bynrap ba tang lai tylli ki Jylla ha ka thaiñ Shatei Lam Mihngi ki bym pat don lynti rel bad ka Sorkar ka “kwah eh” ban pynpoi ïa ka lynti rel da ka jingïatreilang ki trai shnong.
Ka Nongaiktien ka BJP Shazia llmi kala pynpaw ïa kane kajuh ka jingsngew bad ong “Ki kam ki la sdang ngin sa pynthikna ban ïarap lang bad ngi kmen shisha ba baroh ki Jylla kin ïasoh lynti rel noh”.
