Shillong Nailur 29: U Working President ka KHNAM u Bah Thomas Passah ula ong ba ka Sorkar kadei ban thaw kawei ka Rehabilitation Centre kaba heh bha ka ban don lut ki jaka sumar, ki jaka hikai pyntbit (Skill Training) ha ki kam bapher bapher bad ki jingïalehkai Sports kiban pynmyllen bad ba kiba kyrni dih drok kin klet ïa kiba ba ki la leh.
U Bah Thomas ula ong ruh ba ka Sorkar kadei ban tuklar ban bthah ïa ki Rehabilitation Centre ban pynduna ïa ka bai phah sumar ïa kiba kyrni drok ha ki jaka sumar.
U la ong ba kadei ban don ruh ka jinghikai naduh ki skul.
Ïa kane u la ong ha ka prokram ïamir jingmut ba la pynlong da ka HYC sengkmie ha ka sngi Saitjaiñ ha Khasi National Dorbar Hall.
Na ka liang u Bah Passah u la ïaroh ruh ïa ka HYC kaba la sdang ïa kane ka jingïakhun pyrshah drok naduh ka 2 tarik u bnai Jymmang 2024 bad kaba la bteng haduh mynta da kaba ka la lah ban phah sumar haduh 120 ngut sha ki rehabilitation centre kiba la dih drok bad u la kyntu ïa ka seng ba kan bteng ïa kane ka kam ba bha bad da ka jingïatreilang jong baroh yn sa lah ban pynduna ïa ka kam dih bad khaïi drok.
