Shillong, Nailur 20: Ki la don kumba 6 tylli ki mukotduma ki kam runar ba dangsah teng pyrshah ïa ki MP bad ki MLA ha ka jylla.
Ka Meghalaya High Court ha ka hukum ba la pynmih ha ka sngi Thohdieng ka la ong, “Katkum ka kaiphod kaba la long ha kane ka tarik, ki la don kumba 6 tylli ki mukotduma ki kam runar kiba dang sahteng bad kawei la dep ban pynbeit ha ka 19- 08-2024.”
Halor kane ka kam na ka liang ka ïingbishar ka la bthah ba dei ban aiti ïa ka kaiphod ha ka jingshim bishar ka ban long ha ka 28 tarik u Naiwieng.
Ïa kine ki mukotduma suo-moto case la khot da ka In-re: Designated Courts for MPs/MLAs kiba dei ki mukotduma ba la bthah da ka Supreme Court ha ka 9 tarik u Naiwieng, 2023.
