Nongpoh, Nailur 24: Kum uwei na u samla na ka dong Ri Bhoi, u Samla Albert Maring ha ka sngi Baar u la pynpaw ïa ka jingsngewkhia halor ka jingpynshlem palat ka DSC Ribhoi ban pynbna ïa ka result jong ki post bapher bapher ha Ri Bhoi, kaba la shim por la jan saw snem bad kaba long ruh ka jingpynduh jingkyrmen ïa ki khun samla ka them Ri Bhoi.
Haba kren sha ki lad pathai khubor, u Bah Albert Maring u la ong ba u dap da ka mynsiem ba sngewkhia halor kane ka jingpynslem ban pynmih ïa ka result jong ki post bapher bapher ba la dep ban thoh eksam naduh u snem 2021-22 bad kane ka jingpynslem ka la pynduh mynsiem ïa kiba bun ki khun samla ka dong Ri Bhoi.
U la ong ruh ka sorkar lyngba ka DSC ha Ri Bhoi ki hap ban pyrkhat ïa ki khun samla ha kaba kane ka jingpynslem ka ktah ym tang ïa ki jingmut jingpyrkhat jong ki, bad ka ktah ruh wat ïa ka rta wad kam wad jam jong ki.
