Shillong, Nailar 16: Kum ka dak ka jingsngewsih bad kum shibynta ban ïasnohkti lang bad ka All India Federation of Government Doctors Association (AIFGDA), ka Meghalaya Medical Services Association (MMSA) ha ka sngi Thohdieng, ka la deng da ki badge ba ïong kum ka jingpyrshah jur ïa ka jingshah leh beijot bad shah pynïap dusmon kawei ka doktor Kynthei ha Kolkata.
“Da kaba deng badge ïong, ngi ïeng tylli bad la ki para doktor jong ka Ri ban pynrem ïa kane ka kam pyntriem bad ban dawa ban ai mardor ïa ka jingbishar kaba hok,” ong ka MMSA ha ka kyrwoh khubor ba la phah ha kane ka sngi.
“Ka jingsngaiñ bad jingïada ïa ki doktor ka long kaba kongsan bha bad kum kine ki jingjia ym dei ban shu sngap jar jar khlem da leh eiei,” ka la bynrap.
Ka MMSA ka la kyntu ïa ki bor Sorkar ba kin leh da kaba tyngeh pyrshah ïa ki riew bymman kiba donkti bad ban pynthikna ba ki doktor kin ïoh ïa ka jingshngaiñ haba treikam khamtam ha kane ka ri.
