Shillong, Nailur 20: Ka Director jong Directorate of Animals and Husbandry ka Kong A Laloo ha ka sngi Ba-ar ka la ïathuh ba ki symbai sniang kiba ïap bad kiba bret ha rud surok Madiangdiang ha ka 3 Tarik Nailur ka la pdiang ba kine ki khun sniang ki dei kiba ka sorkar ka wanrah sha ka jylla ban sam sha ki paidbah na bynta ban ri. Ka Director la ïathuh ba na ka liang ka tnad ka la dep ban thung ïa ka jingtohkit ban lap ïa ka daw bad kiba don kti ban bret ha rud surok khlem da tep ha ka rukom kaba dei.
Na ka liang ka Director ka la ïathuh ba ka daw ba kine ki khun sniang ka dei namar ki la thait la jrem na ka daw ba la wanrah na shaduh West Bengal bad ka la ong ruh ba kine ki sniang kiba ïap kim don kano kano ka jingpang jingshitom.
Ka la ïathuh ruh ba kiba donkti ban bret ïa kine ki sniang ki dei ki nongñiah jong ka jong u Supplier uba pynpoi ïa kine ki sniang ym satia ki paidbah bad ka la ïathuh ba kine kiba ïap ruh ki dei kiba na ka liang ka tnad ka la dep kyntait lupa ban shim namar ki la ïap lupa.
Shuh shuh ka la ong ba ka tnad ka la ha ka jingshisha na ka liang ka tnad ka la dep ban bthah ba dei ban tep bha ïa kine ki sniang hynrei dei na ka jingbym bud jong u supplier ïa ki kyndon
“Na ka liang jong ngi ngi la khot ba un ai jingpynshai bad kaei ka sienjam ba ngin shim yn sa pyntip ynda la dep ka jingtohkit” ka la ong
Kat kum ka jingïathuh jong ka la ong ba kine ki sniang kiba ïap ki don kumba 10 tylli eiei bad ka la ong ruh ba ïa ka jingtohkit yn sa pyndep mynta ka sngi ka 21 Nailur 2022.
