Shillong, K’Lyngkot 11 : Ka Voice of the People Party (VPP) ka la pynrem jur halor ka jingshah pynïap jong u Dilseng M Sangma uba dei u dkhot jong ka ACHIK, ha West Garo Hills ha ka 09tarik mynta u bnai.
Na ka liang u Nongaiktien jong ka Party, u Dr Batskhem Myrboh ha ka kyrwoh ha ka sngi U Blei u la ong, “(Ngi) pynrem jur ïa ka jingshah pynïap kaba sngew shyrkhei ïa u Dilseng M Sangma.”
Na ka liang ka VPP ka la dawa ruh na ki bor sorkar ba ki dei ban kem lut bad ai ka jingpynshitom kaba tyngeh ïa ki runar kiba donkti ha katei ka kam bymman.
“Ka Party ka kyntu ïa ki bor ba dei peit ba kin kem bad ai ka jingbishar kaba hok ïa kiba donkti ha kane ka kam runar,” ong u Dr. Batskhem Myrboh haba phah ruh ïa ka jingsngewlem sha kiba haïing hasem jong une u briew uba la shah pynïap.
