Jowai, Jylliew 29: Ka Khasi Students’ Union (KSU) Namdong Unit, haka jingïalam u President Samla Kitbok Lang Lamare ryngkat ka jingïadonlang u Finance Secretary samla Rimiki War, Assistant General Secretary Samla Heibormi Lamare, ki la leit ban ban ïakynduh bad pynsngew ïa u Manager ka Jio Center Jowai halor ka jingduh bad bym biang ka network, kaba jia khah khah ha ki thaiñ Namdong, West Jaiñtia Hills District.
Ha kane ka jingïakynduh ka seng ïa utei u heh ka Jio ha Jowai, na ka liang jong u la ïa thuh ba ka dei na ka daw ka jingduh ka machine kaba la pynlong ban duh network ha katei ka jaka bad u la ong ba kan shim por hapoh shi taiew yn sa lah ban bujli thymmai noh da kawei pat ka Machine.
Na ka liang ka seng kala dep kren shai ba lada ym lah ban pyndep hapoh ka por ba la buh ka seng kan shim da kiwei pat ki sien jam kiba tyngeh.
