Dawa na ka sorkar jylla bad na ka NHAI ban shna noh ïa ka surok NH ha Umkiang

Khliehriat Naiwieng 12: Ka Dorbar Shnong Umkiang, ka la pynpaw ka jingsngew khia halor ka jingjulor palat ka surok national highway ha Umkiang, kaba la buh jingeh haduh katta katta ïa ki paidbah khamtam ïa ki khynnah skul na ka daw ka jing pum pum palat ka surok, ka Dorbar Shnong ka dawa na ka sorkar bad na ka National Highway Authority of India ka ka dei ban maramot noh mardor ïa kane ka surok.
Ka Dorbar Shnong, ka pynpaw ruh ka jingsngewsih halor ka jingbym shimkhia ka sorkar ban phah maramot ïa kane ka surok national highway 6 ha ki thaiñ Umkiang, East Jaiñtia Hills District.
Na ka liang u Waheh Shnong Umkiang, u bah Lasting Pala bad u Secretary Shnong, u bah Nicholas Lyngdoh, ki la ong ruh ba kane ka jingsniew palat ka surok ka wanrah jingeh bad ka la i sangsot khtamtam ïa ki khynnah skul kiba leit skul, namar ka jingjur palat ka khyndew pum pum bad kane ka lah ban ktah wat ïa ka koit ka khiah jong ki khynnah bad ki paidbah bad byrngem ruh ba lada ka sorkar bad ka NHAI ki dang leh mynthi kin mih madan bad khot pynlong da ka jingïakhih.