Shillong, Nailar 01 : Ka Voice of the People Party ha ka sngi Baar ka la dawa na ka sorkar jylla ba kadei ban pyllait noh mardor ïa ka pisa kaba dei na ka bynta ka jingpyntreikam ïa ka skim MGNREGA ha ka jylla.
Ha ka kyrwoh ba la phah da u Nongai ktien ka VPP, Dr. Batskhem Myrboh la ong ruh ba ka sorkar India ha u Jylliew mynta u snem ka la bthah ban pyllait noh ïa ka pisa ha ka kylla kaba nyngkong kaba dei ka bai thied tiar jong u snem 2023-2024 sha ka sorkar Meghalaya kaba long 301.94 klur tyngka.
Na ka liang ka party ka ong ruh ba ka jingpyllait kloi ïa katei ka pisa kan ïarap ïa ki paidbah nongkyndong kiba shaniah tylli ha katei kaskim kum ka lad kamai ban pyndap pynbiang ïa ki jingdonkam ha iing.
