Nongpoh, Naitung, 23: Namar ka jingbym biang thikna ka Network jong ki ar tylli ki Company kiba ktah ïa ki nongshong shnong kiba pyndonkam ïa ki Mobile Phone lyngba kitei ki Netwrok, ka Seng Samla Tyrso Pyllun ka la dawa syndon na kitei ki Company ba ka dei ban pynbiang thikna ïa ki network jong kitei ki ar tylli ki Company.
Katkum ka kyrwoh ba la phah da u Pynsuk Sten bad u Samla Player Mashli kum ki nongïalam ka Seng Samla Tyrso Pullun, ki la pynpaw ka jingsngewkhia halor kane ka jingbym biang ka network ka Company Airtel bad ka Company Jio, ha kaba bun ki nongshong shnong ki pyndonnkam ïa ki Mobile Phone lyngba kitei ki Network, hynrei ka jingbym biang thikna ka network ka la pynsyrtok ïa ki paidbah Nongshong shnong ban im khlem ka Network ha kaba ka juk mynta jan baroh ki la pyndonkam da ki Mobile Phone.
Ki la pynpaw ruh lada khlem ka Network jan baroh ki kam ki jam ki shah ktah ha kaba ha kane ka juk stad ba mynta ki hap ban pyndonkam da ki Mobile phone bad ruh wat ki kam online, namar tang shu duh network ki paidbah ki la lamwir bad kim ïoh lad shuh ba phone lane pyndonkam ïa kiba bun ki kam ki jam kiba pyndonkam da ka Nerwork.
Shuh shuh, kitei ki samla ki la dawa na kitei ki Company ba ki hap ban pynbiang mardor ïa ka Network da kaba ai por ruh hapoh ka 1 taiew bad lada kitei ki Company kim lah ban pynbiang ïa ka Network kum ki samla kim banse ban shim da kiwei pat ki lad ki lynti na ka bynta ka jingmyntoi jong ki paidbah nongshong shnong, ki la bynrap.
