Shillong, K’ Lyngkot 20: Ka Mawmluh Cherra Cements Employees Union (MCCEU) ka la dawa ïa ka management jong ka company ba kan pyllait noh ïa ka jingïarap pisa bad kumjuh ruh ïa ka jingsiew kaba nyngkong ne ka first installment na kaba donkam ha kaba ïadei bad ka special scheme kaba la tyrwa na ka bynta ki nongtrei ha ba kut jong u ne u bnai.
La ong ba la shim ïa ka rai bad ka union ha ka jingïalang kaba la long ha ka sngi Nyngkong.
Ha kaba ïadei bad kane ha ka shithi ba la phah sha u MCCL managing director, ka MCCEU ka la ong, “Kane ka jingïarap pisa ne ka special scheme kaba la tyrwa sha ki nongtrei ka MCCL dei ban siew ha une u bnai kyllalyngkot da ka Joint Committee kaba la long ha ka jingïalang kaba la long ha ka 16 tarik u Nohprah, 2024 ha secretariat kaba dei ruh ka jingïalang kaba long hapdeng u MLA ka Sohra bad Shella bad ki nongtrei.”
