Shillong Jylliew 01: Ka Khun Hynniewtrep National Awakening Movement (KHNAM) ka pynpaw ïa ka jingpyrshah halor ka hukum ba la pynmih da ka District Administration ban pynïaid Odd/Even ïa ki kali kamai kiba rung sha Khyndai Lad bad Motphran.
Halor kane ka KHNAM kala ai jingmut ïa ki bor pynïaid ka District ba kin pynïaid Odd/Even ïa ki kali ki riewshimet (Private) ym ban pynïaid Odd/Even ia ki kali kamai.
“Ban weng ïa ka jingkhapngiah na kane ka nongbah, kan jin da la bha eh ba kin pynïaid Odd/Even ïa ki kali ki riew shimet ban ïa kaba pynïaid ïa ki kali kamai namar kane ka lah ban ktah ïa ka kamai sngi jong ki” la ong ka kyrwoh na u Vice President ka KHNAM u bah Thomas Passah.
Ka kyrwoh ka kdew ruh ba ki bor district kidei ban peit bniah ba ki bos kim dei ban ïeng ha shi lynter jong ka surok ha Khyndai Lad namar kane ka la pynlong ïa ka jingkhapngiah.
