Shillong, Nohprah 03: Ka Karukol Unit jong ka Garo Students’ Union (GSU) ka la dawa ban pynsangeh ïa baroh ki kam tih ne khlong ïa ki marpoh khyndew kiba khlem ïohbor bad lyngba ka jingtohkit ban ithuh bad pynshitom ïa kiba pynkheiñ kiba donkti ba ka kam tih shyiap beaiñ bad ki maw hapoh ka wah Rongdik, kaba don ha ka shnong Emangre kaba ha South Garo Hills District.
Ka union ka la kynnoh ba kine ki kam ba beaiñ ki long ka jingma ïa ka mariang jong ka thaiñ, kaba wanrah ka jingma ïa ka kamai kajih ki nongshong shnong, bad kaba pynkheiñ ïa ki aiñ sawdong sawkun.
“Ka jingtih shyiap bad u maw na ka wah Rongdik la leh khlem da la ïoh ka bor bad ka jingpynbeit kyndon kaba dei, kaba lam sha ka jingtwa ka khyndew, ka jingjah jong ki tyllong kiba tynrai bad kaba pynthut ïa ki dohim hapoh ka wah,” ong ka union.
“Ngi khot ïa ka jingpynsangeh kaba kyrkieh ïa baroh ki kam tih kiba khlem ïohbor bad ngi dawa ïa ka jingtohkit khnang ban lap bad pynshitom ïa kiba pynkheiñ,” ka la bynrap
Ka union ka la ong ba kan ïaibteng ban khmih ïa ka jinglong jingman bad ban pan ka jingkyrshan na ki nongshong shnong tat haduh ba ka lah ban pynsangeh ïa kane ka kam ba pynjulor ïa ka sawdong sawkun.
