Tura, Jylliew 13 : Ka GSU seng kmie ka la ai ka jingujor sha u Deputy Commissioner ka West Garo Hills ban khang noh mardor ban lum pisa na ki kali, ki autorickshaw, scooter, ki thuk thuk kiba leit pynhiar briew sha Inter State Bus Terminus (ISBT) Tura.
Ka seng ka la leh ïa kane hadien ba ka la ïohi ba ka don ka jinglum pisa na ki kali kiba wan pynhiar ia ki nongleit nongwan ha ISBT da kaba buh da ka khyrdop ha katei ka jaka bad kane kala wanrah ka jingthut ïaki paidbah kumta la dawa ba dei ban weng noh mardor ïa kane ka jinglum pisa.
Ka seng ka dawa ïa kane na ka bynta ka jingmyntoi jong ki paidbah hi namar kumba long mynta la shu lum naphang kat ïa kiba rung ha katei ka ISBT.
