Shillong, Jylliew 17: Ka Confederation of Ri Bhoi People (CoRP) ka dawa ïa ka sorkar jylla lyngba ka tnat Pule ban plie noh ïa ka ïing skul thymmai jong ka Nongrim Jirang Lower Primary School kaba la dep shna naduh snem ba la dep hynrei haduh mynta ym pat lah ban plie ïa katei ka ïing skul thymmai.
Ka seng CoRP ka pynpaw ka jingsngewkhia ïa ka jingpynslem ka sorkar ban plie ïa katei ka ïingskul ba shna kyrpang na bynta ka jingbit jingbiang ki Kumta na ka liang ka CoRP, ka dawa na ka sorkar ka dei ban plie noh ïa katei ka ïing skul thymmai na bynta ka jingmyntoi ki khynnah skul, namar lada kan shu ieh katei ka ïing skul kan jot bad pra bad kylla ïingjah.
Halor kane u Rangbah shnong ka Nongrim Jirang u Bah K Rani u la ïathuh, ba ki dkhot ka komiti jong ka shnong bad ka Managing Committee ki la pynbeit ïa ka sngi ban plie ïa katei ka ïing skul thymmai, hynrei ka la pulom noh namar ba u MLA ka thaiñ u Bah S Sohtun u khlem wan satia ha katei ka sngi ula ong, kane ka jingleh u nongmihkhmat ka pynpaw ba um burom ïa ka shnong bad ka jingdohnong namar ka shnong ka la pynkhreh ïa ki jingdonkam ha katei ka sngi. Kane ka long katkum ka kyrwoh khubor ba la phah da u Bah Gershome Hat, Vice President ka CoRP.
