Jowai, Nailur 19: Ka Bharatiya Janata Party (BJP) 2-Jowai Mandal West Jaiñtia Hills District hapoh ka jingïalam u President ma K. Siangshai lem bad ki dkhot jong ka mynta ka sngi kala leit ban buh da ka jingthoh ha ka ophis u Deputy Commissioner ka WJH ban dawa na katei ka ophis ban buh ïa kawei ka Polling Station hapoh ka Loom Sooïung New Hills, Jowai.
Ka BJP 2-Jowai Mandal ha ka jingthmu ban leit ïakynduh ïa u DC bah B.S Sohliya, hynrei namar um shem la don ha ophis treikam, kumta ka seng kala leit ban aiti syndon ha ka kong D.D. Syngai, MCS, Addl. DC (Election), Jowai
Katkum katei ka shithi na ka liang BJP 2-Jowai Mandal kala buh ka jingkyrpad jur naka ophis u DC ban kan ïarap ban pynïoh ïa katei ka Poling Station ha Loom Sooïung New Hills hapoh jong kane ka samoi Election MLA 2023 kaba long ruh katkum ka jingthrang jong ki nongshong shnong.
La ïathuh da kitei ki nongïalam ka BJP ba ka jingdon jong ka Polling Station hapoh katei ka Shnong kan ïarap shibun ïa ki nongthep Vote jong katei ka shnong, khnang ba kim donkam shuh ban leit thep Vote sha ki shnong ba marjan kum sha Iawmusiang. La ong ruh ba ka Loom Sooïung New Hills ka dang hap hapoh ka 2-Jowai Constituency katba nang mih ki sngi ki nongthep Vote ruh kila nangbun bad lada don ka Polling Station kan kham pynsuk shuh shuh ïa ki ha ki por ba thep Vote.
Ka BJP 2-Jowai Mandal kala kyntu na ka kong Syngai ban pyndep ïa kane ka jingdawa kam kloi bad lada ym lah ban pyndep hapoh jong une u snem, hynrei ha u snem ban wan dei ban pynïoh Polling Station hapoh katei ka DS Loom Sooiung New Hills.
