Shillong, Naitung 04: Ka Indian Institute of Management(IIM), Shillong kala rakhe ïa kajingdap 14 years mynta ka sngi, ha kaba la pynlong ïa ka jingïalang ban phaidien ïa ka jingshakri jong ka ha ka liang ka pule puthi bad kumjuh ruh ka jingshakri ba shitrhem naduh ki nonghikai, ki nongtrei bad ki samla pule.
Lah ban kdew hangne ba ïa u mawnongrim jong ka IIM Shillong la plie ha ka 1 tarik u Nohprah 2007 bad ka jingpule ka la sdang ha ka 4 tarik u Naitung ka snem 2008, ha kaba la don 63 ngut ki samla pule ha ka PGP Program. Mynta u snem la don 309 ngut ki samla pule ha ka PGP Programme bad la don kumba 2500 ngut ki samla kiba la pyndep ïa ka jingpule na kane ka Institute.
