Shillong, Lber 29 : Hadien ba ki la phriang ki khubor ba ka BJP kan pynieng kyrtong ha ka elekshon shiteng samoi sha ka Lok Sabha na ka Shillong Parliamentary constituency da u Bah Mariahom Kharkrang, hynrei na ka liang u Bah AL Hek, MLA ka BJP na ka Pynthorumkhrah u la ong ba ka party ka dang wad ïa u kyrtong ban sa aireng na ka party.
Ïa kane u Bah AL Hek u la ïathuh hadien ka jingïalang ba la lum bad pynlong da ka BJP Umroi mandal ryngkat bad ki paidbah nongrep ha ka 28 tarik Lber, 2026, ha Mawpun, kaba hap hapoh ka Umroi Assembly constituency.
Lah ban kdew hangne ba bun ki party kiba don ha ka jylla mynta ki la pynkhreh shaid shaid na ka bynta ban aireng ha kane ka elekshon watla haduh mynta bun kim pat pynbna ïa ki kyrtong jong ki.
Ka jingwan jong ka elekshon shiteng samoi kadei hadien ka jingkhlad kyndit u MP ka VPP, u Dr. Ricky AJ Syngkon ha ka 19tarik Rymphang.
