Dang phah test ïa ka bam ba ïoh pang da ki phew ngut ba leit ïing ïap briew ha Nongdom

Shillong, Naitung 01: Ki bor pynïaid jong ka tnad Food and Safety, ki la ïathuh ba ki dang phah test ïa ka bam ba ki la shim sample na ka ïing ïap briew ha Nongdom, Eastern West Khasi Hills District, ha kaba da ki phew ngut ki briew ki la ïoh pang.
Lah ban kdew hangne ba da ki phew ngut ki briew ki la ïoh pang sniew kpoh hadien ba ki la bam ja baf dih sha ha kawei ka ïing ïap briew ha Nongdom myn sngi thohdieng bad kba khambun kidei kiba la shah sumart ha Civil Hospital Mairang. Nangta ki don ruh kiba la shah sumar ha Myriaw PHC bad kumjuh ruh ah Nongstoiñ Civil Hospital Nongstoiñ.
“Hadien ba ki la ïoh jingtip ïa ka jingïoh pang ki briew na ka jingbam, ngi la leit shim sample na Nongdom bad kumjuh ruh ban ïakynduh ïa ki Doctor ha Mairang Civil Hospital ban wad jingtip kham bniah halor kane ka jingïoh pang ki paidbah na ka bam ha katei ka ïing ïap briew”, la ong ki ophisar na ka tnad Food and Safety.
Kine ki ophisar ki la ong ruh ba kim pat lah ban ong kadei na ka bam aïu, namar ki paidbah kiba la ïoh pang, ki la ïathuh ba kidon kiba bam da u ktung, kiba bam da ka dohkha, kiba bam da ka doh ruh ki ïasniew kpoh bad ngat jinsghitom.
“Ka eh ïa ngi ba ngin ong kadei na kaei, katba ngim pat ïoh lut ïa ki test”, la ong ki ophisar.
Ha kajuh ka por ki la pynpaw ruh ka jingsngewkhia bad ong ba donkam ban husiar bha ha ka liang ka shet ka tiew ha ki ïing ïap briew namar ba ki bun bha ki nongbam bad wat ki nongshet ruh ki bun bad namar ba la ïabun ka donkam ïa ka jingphikir.
Kiba kum kine ki jingjia ki la ju jia bunsien ha ki jaka khawai, la ka long ki ïing ïap briew, ki jaka khawai, khamtam eh mynta ba kadei ka por lyiur ka por shit ki paidbah ki dei ban da peit bha ka bam ka dih, ka rukom shet khnang ban lait na ki jingshitomk kpoh kiba kum kine.